القائمة الرئيسية

الصفحات

آخر الأخبار

ميني ترتولات بعجينة الصابلي

كفاش ديرو عجينة مني ترتولات بعجينة الصابلي او تخرجلكم ناجحة تابعي معنا  👇👇 *
 يجب احترام المقادير : 
◾عجينة الصابلي عندها مقادير مضبوطة : 
1)- الزبدة : *يعني اذا درتي 250 غ زبدة تحتاج :125 غ سكر و 500 غ فرينة - إذا درتي الكيلة لي فيها : 500 غ زبدة ، تحتاج : 250غ سكر و 1 كغ فرينة ■ملاحظة : ممكن تزيدي و لا تنقصي شوية الفرينة على حساب واش تاكلك العجينة بصح هذا هو المبدأ تاع الصابلي 
2)- البيض🥚...صفار البيض يهشش العجينة و البياض ييبسها .... *يعني 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كاملة... *و اذا درتي 500 غ مرغرين لازملها 3 صفار و حبة كاملة . 
3)- المايزينة(النشاء).... يعني اذا حبيتي عجينة الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق
 4)- الزيت: حبيبتي اذا زدتي شوية زيت رح يجيك الصابلي محمر، بحيث: *الكيلة تاع 500 غ زبدة ضيفي في العجينة 5م ك زيت. *الكيلة تاع 250 غ زبدة ضيفي في العجينة 2 مغارف كبار 
5)- السكر.. حبيبتي استعملي السكر الرطب ڨلاصي أحسن وافضل، لأن السكر العادي يبس العجينة. 
6)- الخميرة الكيميائية: تقدري ديري رشة فقط كيما تقدري تستغناي عليها أنا شخثيا نستغنى عليها في تارتولات. 
7)- حبيبتي لما تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة أكيد في الفور تيبس أكثر ...علي هاذي قلتلك في الصابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية 
8)- لما تلمي العجينة مذابيك غلفيها بسيلوفان و ترتاح في الفريجيدار من 15-30 دقيقةتجيك ساهلة ورطبة. * لما تجي تحطيها في المول بللي يدك بالزيت وكوريها رطبيها وحطيها فيه ساويها على كامل المول و ثقبيها بشوكة. 
9)- طريقة الطهي : *سخني الفرن مقبل و اشعليه من الأسفل فقط دخلي الصينية لما تشوفيهم خذاو اللون الذهبي في الأطراف نحيهم *مدة الطهي لاا تتعدى 20 د حسب الفرن . ---------------------------------------------------------------------- ■الوصفة المعتمدة و المضبوطة هي كالتالي : ( 250غ زبدة+سكر رطب 125غ + 2 صفار وبيضة كاملة+ نصف كاس مايزينة+ 2 م ك زيت+ الخميرة قادر ديري رشة أو تستغناي عليها ونلم بالفرينة..(500 غ أو أقل ) حسب النوعية. دعوة خير فقط ❤
انت الان في اخر مقال
reaction:

تعليقات